Hoxe quixemos facer fincapé nas penosas condicións de traballo que está a padecer o persoal da Lavandería deste hospital. O informe de Saúde Laboral ven de confirmar o que xa era un clamor(as condicións de temperatura e ruido están por riba dos parámetros marcados pola Lei) a pesar de que por fin temos un informe que avala as denuncias feitas polo persoal e os seus representantes, a Dirección de Área nada ten feiro por mitigar as mesmas.
Teremos que agardar a que algunha compañeira/o sofra un accidente mortal para que a Dirección tome medidas?
A lavandería foi o primeiro servizo da área en obter o certificado ISO de calidade(con todo o merecemento); e todo o persoal e usuarias/os notamos a calidade no seu traballo diariamente, cando poñemos a uniformidade ou ingresamos, e moito máis o notamos cando temos que acudir a outros hospitais onde este servizo está privatizado e non dispoñemos da cantidade e calidade da uniformidade e servizo de habitación.
Por elo, queremos suliñar o esforzo deste persoal que a pesar das condicións infrahumanas que diariamente padecen e que se agravan no período estival, consiguen ofrecer un servizo eficaz e de calidade.
Continuaremos coas concentracións os xoves reinvindicando os nosos dereitos, e tratando de denunciar cada semana un servizo ou unidade onde as condicións de traballo son máis penosas ou lesionan os dereitos do persoal.
Ferrol a 8 de xullo de 2010.
!PAREMOS ESTAS AGRESIÓNS!
NON Á PRIVATIZACIÓN DA SANIDADE
A SANIDADE NON É UN NEGOCIO
Asdo: María Mercedes Díaz López. Presidenta da Xunta de Persoal.
Descargar nota de prensa
0 comentarios:
Publicar un comentario