PECHE DE CAMAS

http://www.lavozdegalicia.es/noticia/ferrol/2014/06/06/marcide-cerrado-camas-planta-pediatria-procedimiento-progresivo/0003_201406F6C6991.htm?idioma=galego

OS CRITERIOS

O Marcide xa pechou as camas da planta de Pediatría O procedemento é progresivo

A Xerencia mantén que a actuación é progresiva mentres a CIG critícaa




O peche de camas que tantas bochas levantou xa comezou a facerse efectivo. A terceira planta de Pediatría do Hospital Arquitecto Marcide atópase inoperativa desde o pasado día 1, e a partir de agora comezarán a pecharse de forma progresiva os cuartos de Medicina Interna do Hospital Naval. É por iso que desde a secretaría comarcal de CIG-Saúde quixeron facer público o seu malestar.
O sindicato esgrime que a única motivación do peche de camas é o aforro económico, derivado da non contratación de persoal eventual para cubrir as vacacións. Algo que, aseguran, desemboca nunha mala calidade asistencial e o colapso do servizo de Urxencias. Un servizo que indicaron que onte mesmo acumulou unha espera de 15 pacientes para ingresar.
Ingresos en Medicina Interna
Ademais da CIG, os sindicatos CC. OO., Cesm, CSIF, Omega, UGT e SAE efectuaron tres concentracións no vestíbulo do Arquitecto Marcide para protestar polos peches. Desenvolveron unha «deitada», tombándose no chan para simbolizar a ausencia de camas. Un peche este que, aínda que noutros complexos hospitalarios viuse aumentado o certo é que no caso do ferrolán mantense coas mesmas cifras que o ano pasado. Volven ser 46 as camas que quedarán inactivas, un proceso que en ningún caso é irreversible.
Así o confirma a Xerencia Integrada, que recorda que a situación é exactamente a mesma que a que se produciu durante o período estival do 2013. Do mesmo xeito, asegura que así se lle comunicou á Xunta de Persoal na última reunión que tivo lugar o 9 de maio e destaca que poderán volver abrirse se a situación o require.
A Xerencia quixo deixar claro que a reordenación é un proceso que se realiza sempre en función das necesidades que van xurdindo, polo que as accións se adecúan nos días previos e efectúanse progresivamente atendendo a criterios rigorosamente técnicos que teñen en conta aspectos como a baixada de afluencia ou as vacacións do persoal. Con respecto a Medicina Interna no Naval, indica que as súas camas irán pechándose gradualmente ata o día 14 de xuño. Ademais engade que, aínda que a CIG manifestou que non se producen ingresos na área desde o venres, si se estiveron efectuando ao longo desta semana.

I Xornadas en Defensa da Sanidade Pública. Ferrol, 18 e 19 de outubro de 2013



Venres día 18

Ás 17:30 horas. Mesa Debate:
A Contrarreforma Sanitaria.
Recortes/Repagos/Privatizacións o RD Lei 16/2012 e a Lei de Garantías Sanitarias.
Ponentes:Dr. Pablo Vaamonde García e Dr.Manuel Martín García.

Ás 19 horas. Mesa Debate:
A Atención Primaria: a prioridade necesaria e o Gasto Farmacéutico.
Ponentes: Dr.Jesús Sueiro Justel e  Dr.Bernardino Pardo Teijeiro.

Sábado 19

Ás 11 horas Mesa Debate:
A Relación Público/Privada ( Incompatibilidades, Concertos, Listas de Espera, Xestión ).
Ponentes:Dra. Mª Luísa Lores Aguín e Dr. Carlos Piñeiro Díaz.

Ás 12:30 H Mesa Redonda:
Pacto político pola Sanidade Pública, Universal e Gratuíta.
Ponentes: Grupos parlametarios de PP, PSOE, AGE e BNG.

Descarga aquí o díptico das xornadas





Pablo Vaamonde García:
 Médico de familia no Centro de Saúde de Labañou (A Coruña). Foi fundador e director da revista médica Cadernos de Atención Primaria (1994-2005), presidente da Asociación Galega de Medicina Familiar e Comunitaria (AGAMFEC) de 1996 a 2005 e vicepresidente do Colexio Oficial de Médicos de A Coruña de 1998 a 2005. Foi director xeral de Asistencia Sanitaria do Sergas entre 2005 e 2006.

Manuel Martín García: Especialista en Medicina Familiar e Comunitaria, portavoz de SOS Sanidade Pública e presidente da Federación de Asociacións en Defensa da Sanidade Pública do Estado Español. Exerce no Centro de Saúde de Seixo en Pontevedra.

Jesus Sueiro Justel: Presidente da Asociación Galega de Medicina Familiar e Comunitaria (AGAMFEC). Exerce no Centro de Saúde Concepción Arenal de Santiago. Promotor da campaña de obxección de conciencia para seguir atendendo ás persoas inmigrantes en situación irregular fronte ao RD Lei 16/2012.

Bernardino Pardo Teijeiro: Especialista en Medicina Familiar e Comunitaria. Exerce no Centro de Saúde de Nadela en Lugo. Vicepresidente de ASPNAIS, asociación dedicada ao coidado de discapacitados. Colabora con Unicef e Adega.

Maria Luísa Lores Aguín: Especialista en Radioloxía, coautora do libro A Saúde como Negocio da editorial Laiovento. Pertence a Federación de Asociación para a Defensa da Sanidade Pública. Ex Directora Asistencial do Complexo Hospitalario de Pontevedra. Exerce no Complexo Hospitalario de Pontevedra.

Carlos Piñeiro Díaz: Médico de Atención Primaria no Centro de Saúde de Narón.Master en Saúde Pública.Fundador de AMICOR (Asociación de Amigos do Corazón). Colaborador de AGAVIDA (Asociación Galega de Víctimas do Amianto).

Milleiros de persoas manifestáronse a prol da Sanidade Pública o pasado día 27 en Ferrol



Albúm fotográfico de Fuco Buxán
Albúm fotográfico de Susete 70

Na prensa:
http://ferrol360.es/cientos-de-personas-se-manifestaron-en-ferrol-en-defensa-de-la-sanidad-publica/
http://www.lavozdegalicia.es/noticia/ferrol/2013/06/28/cientos-personas-denuncian-privatizacion-sanidad/0003_201306F28C4991.htm
http://www.diariodeferrol.com/articulo/ferrol/miles-de-personas-se-manifestaron-ayer-contra-los-recortes-en-sanidad-y-educacion/20130627221838051073.html


Manifesto lido por Xosé Miguel López Pérez, compoñente da Plataforma, ao remate da manifestación:


Boas tardes a todos e a todas recibide un saúdo no nome das 50 entidades que conforman a Plataforma pola Defensa da Sanidade Pública de Ferrol.

Non estamos solos, hoxe e un día de loita en toda Galicia contra os recortes, as privatizacións e o repago, en definitiva, contra o desmantelamento que está a facer o Partido Popular e o Goberno de Núñez Feijoo desde a súa chegada a Xunta de Galicia no ano 2009.

O mesmo ocorre en Madrid, onde a cidadanía e os profesionais da sanidade levan meses de loita, en Valencia e Castela-A Mancha.

As políticas neoliberais pretenden utilizar a crise, que eles mesmos crearon, para convencer de que o Sistema Sanitario Público é insostible.

Esa mesma canción están aplicando ao Sistema Público de Pensións, tamén din que é insostible.


Detrás de esas informacións falsas so se esconde o negocio para os seus amigos, a Banca, as aseguradoras e as empresas farmacéuticas.


O sistema sanitario público é sostible como tamén o é o sistema público de pensións .

En Galicia moitos máis recortes utilizan a escusa da crise:

· Reducción do orzamento sanitario público en 1000 millóns de euros en tres anos.

· Recortes de dereitos, recursos e servizos asistenciais.

· Desmantelamento das áreas e dos servizos.

· Privatización de moitas parcelas do sistema sanitario público.


En Atención Hospitalaria:

· Paralización da actividade dos hospitais pola tarde.

· Desviación de doentes a centros privados.

· Incremento das listas de espera ( Un 30% en tres anos ).

· Privatización da xestión do Novo Hospital de Vigo.

· Abandono da ampliación do Hospital de Montecelo en Pontevedra.

· Paralización dos Planos Directorios de 7 hospitais para reformar os servizos deteriorados, entre eles o de Ferrol.

· Paralización da construcción de 6 Centros de Alta Resolución.

· Peche dos laboratorios dos Hospitais Comarcais.


· Centralización na empresa privada das probas analíticas e innovadoras.

· Creación dun Anel Radiolóxico, suprimindo radiólogos nas urxencias dos Hospitais Comarcais.

· Cesión á Sociedade Anónima Galaria da xestión e equipamento tecnolóxico dos Hospitais Públicos.

· Mantemento do Concerto Singular co Hospital Privado Povisa que é o que ten as maiores listas de espera de Galicia.



Privatización de Servizos Centrais da Consellería de Sanidade e Sergas


· Central de chamadas 112.

· Plataforma Informática.

· Central de Compras.

· Almacenamento e distribución.

· Concursos de selección de persoal.

· Desmantelamento das Áreas sanitarias do Salnés, Barbanza, Monforte e o Barco de Valdeorras, para deixar paso á sanidade privada.

· Peche de 5 centrais de ambulancias e 1 UCI móbil.

· Reducción de prazas de persoal sanitario e non sanitario: Xubilación forzosa aos 65 anos, repoñendo só o 10%, o que supón só en facultativos unha perda de 1700 persoas.

· Precarización das condicións de traballo do cadro de persoal do Sergas, cunha importante reducción salarial e de dereitos, non coberturas por baixas ou ausencias e volta aos contratos lixo por días e mesmo por horas.


ATENCIÓN PRIMARIA.


· Abandono do Plano de Mellora en Atención Primaria: Supresión de 915 novas prazas e paralización da construcción de 66 novos centros de saúde.

· Absorción da Xestión da Atención Primaria por Hospitais, a chamada Xestión Integrada.

· Relegar a Atención Primaria a ser a portería dos hospitais para que poidan seleccionar aos doentes en función dos intereses dos hospitais privados.


Co Real Decreto 16/2012 establecen:


• Copago receitas das/os pensionistas

• Copago de próteses, ortopróteses, cadeiras de rodas e trasporte non urxente en ambulancias.

• Supresión do dereito á atención: mozos/as de máis de 26 anos que non teñan cotizado, amas de casa divorciadas, inmigrantes sen papeis( criminalizándoos e culpandoos de que colapsan a sanidade o que é outra mentira máis).


Agora establecen que, con independencia dos ingresos das persoas, van ter que adiantar o custo íntegro das próteses, cadeiras de rodas, etc, moitas veces miles de euros, e logo agardar que o Sergas reintegre a cantidade a que se teña dereito, sen establecer prazos para esas devolucións. Persoas con pensións baixas e salarios baixos, non esquezamos que en Galicia temos as pensións e os salarios máis baixos do Estado, van ter que afrontar, ademais do repago farmacéutico, o adianto dos cartos para próteses. Quererá Núñez Feijoo volver aos tempos en que a xente andaba cunha pata de pau?


Coa chamada Lei de Garantías so se pretende:


· Compensar o desgaste do Goberno da Xunta de Galicia fronte aos recortes en sanidade e o incremento das listas de espera.

· Descapitalizar o sistema público facilitando aos centros privados a provisión de servizos custeados con diñeiro público.

· Recortes en Hospitais Públicos que producen:

o Incrementos na derivacións a centros privados.

o Aumentos nas listas de espera.

o A metade dos doentes en lista de espera están en listas ocultas, as non estruturais.

o Moitas listas se pechan por tempo indefinido para que eses doentes non computen.


As consecuencias da aplicación da chamada Lei de Garantías son:

· A descapitalización dos centros públicos que deberán compartir o orzamento hospitalario con centros privado.

· Atraerá a multinacionais sanitarias como Capio ou Ribera Salud en mans de fondos de capital risco internacional, ao garantírselles a clientela.


E unha carga de profundidade contra o actual modelo sanitario ao impedir:

· A planificación dos recursos en función das necesidades de cada zona.

· A equidade polo nivel de renda ou lugar de residencia.

· O traballo en equipos multidisciplinarios.

· A integralidade da Atención Sanitaria.

· A coordinación entre os distintos niveis asistenciais.

· Supón unha manobra de marketing político xa que simula unha oferta de dereitos, imposibles de cumprir no marco de recortes orzamentarios, de recursos humanos e asistenciais.

· É unha tapadeira para camuflar a decapitalización dos centros públicos en beneficio do sector privado.

· Atenta contra a universalidade, integridade, equidade, racionalidade, calidade e eficiencia.


En definitiva con esta Lei Trampa chamada Lei de Garantías o que se pretende e poñer unha cortina de fume diante da política do Partido Popular de descapitalizar o sistema sanitario público.


Un novo recorte en dereitos é a supresión ou modificación da Lei do Aborto que, a demanda de Rouco Varela, ven a supoñer un retroceso nos dereitos das mulleres a poder decidir por elas mesmas


Na Área Sanitaria de Ferrol tense paralizado o proxecto de investimento de 63 millóns de euros en tres anos para a actualización do antigo Hospital Naval.

Tense paralizado o Plano Director do Complexo Hospitalario.

Aínda están en obras o Centro de Saúde de Serantes e das Somozas.

Os centros de saúde de Ares, Cedeira, A Capela e Narón xa tiñan que estar rematados.

O proxecto de ampliación do Fontenla Maristany está esquecido.

Quedamos fora do mapa de Novas Tecnoloxías.

Se producen peches de camas nos meses de verán o que está producindo colapsos en Urxencias con esperas de 48 horas para ingresar, precisamente pola falla de camas.

Pecháronse os consultorios da Graña e O Seixo e xa se fala de novos peches.

Se pretende pechar o Hospital Novoa Santos, coa escusa de cederllo á Universidade, que non o precisa, mentres se mantén un concerto co Juan Cardona por 6.5 millóns de euros anuais.

No Hospital Novoa Santos tense que construír o Centro de Referencia de Enfermidades Profesionais de Galicia, que de tratamento a todos o que están afectados por enfermidades profesionais como sucede nesta comarca con milleiros de persoas por culpa do amianto. Tamén ten que dar cabida a entidades socio sanitarias ás que se está levando á súa desaparición como Asfedro, Lazos, Aspanes e outras, para que poidan desenvolver o seu importante labor asistencial. Teñense que crear camas de enfermos crónicos e pluripatolóxicos o que posibilitará que, xunto coa potenciación da Atención Primaria, se colapsen as urxencias do Arquitecto Marcide.

Quen pode entender que se peche un Hospital Público, o Novoa Santos, e se manteña un concerto co Juan Cardona por 6.5 millóns de euros anuais?


Ademais se permite que persoal da sanidade pública preste servizo en centros concertados, atendendo a doentes do concerto, o que é absolutamente ilegal e que a Plataforma pola Defensa da Sanidade Pública estamos debatendo de poñelo en coñecemento da Fiscalía Anticorrupción.


Poderiamos seguir falando dos moitos recortes e privatizacións que se están a producir na Sanidade Pública desde o ano 2009, moitos deles non son percibidos pola maioría da sociedade, pero non acabariamos nunca, porque a lista é moi longa,


Coa actual Xunta de Galicia as privatizacións, recortes, repagos, diminución dos dereitos de usuarios e de traballadores, vai continuar, polo que a continuidade das Plataformas en Defensa da Sanidade Pública faise máis necesaria que nunca, por que é preciso facerlle fronte a esas políticas cunha mobilización continua e sostida no tempo, como están a facer noutras partes do Estado Español e como hoxe estamos facendo en moitas partes de Galicia.


Por que é posible derrotar a esas políticas temos que seguir loitando de xeito unitario e continuo, tanto nas rúas como nos centros sanitarios.


A Sanidade Pública non se vende, se defende¡ A Saúde non é un negocio¡


Moitas grazas.

Xoves 27 de xuño ás 19 horas con saída da Praza de España, Manifestación en Defensa da Sanidade Pública e contra os recortes, as privatizacións e o repago.


Colabora coa Plataforma e descarga, imprime e reparte o cartaz da manifestación:

Nota de prensa da Plataforma con respecto á atención a doentes no Centro de Saúde de Serantes

Desde a Plataforma en Defensa da Sanidade Pública de Ferrol queremos DENUNCIAR a grave situación na que se atopa o Centro de Saúde de Serantes.

Ao peche do Consultorio da Graña, ás obras que nunca rematan na ampliación do mesmo e que producen masificación, lista de espera e empeoran a asistencia sanitaria, do que non son responsables, en caso ningún, os profesionais que desenvolven alí o seu traballo que tamén sofren esas malas condicións, se ven a sumar a ausencia por diferentes razóns de dous facultativos.

D. José Pedrouzo Bardelas que non consultou a semana pasada e no que vai desta semana e tamén D. Francisco José Cenalmor Palanca por mor dunha Incapacidade Temporal.

Desde a Xerencia da Xestión Integrada de Ferrol non se ten substituído a estes dous facultativos e se acumulan os seus cupos nos outros tres facultativos restantes o que está a ocasionar, listas de espera, sobrecarga de traballo para estes profesionais e a imposibilidade de prestar o servizo nas debidas condicións.

Tamén hai problemas coa activación das tarxetas electrónicas e se está a remitir a doentes ao Fontenla Maristany para que resolvan o problema o que lles ocasiona unha grave molestia.

Demandamos do Sr. Facio Villanueva , que ten declarado repetidas veces que non ía facer recortes en persoal e que ía substituír sempre aos profesionais que fose necesario, a que resolva de xeito inmediato esta situación que afecta gravemente a usuarios e traballadores do Centro de Saúde de Serantes.

Queremos lembrar que desde que o Sr. Facio Villanueva é Xerente da Área de Xestión Integrada, se pecharon , sen ningunha razón asistencial que o xustifique, os consultorios de A Graña en Ferrol e do Seixo en Mugardos, que ESIXIMOS sexan reabertos de xeito inmediato.

Do que pasa no Centro de Saúde de Serantes é unicamente responsable o Sr. Facio Villanueva e en caso ningún o son os profesionais que prestan alí os seus servizos que se ven desbordados pola situación.

Nota de prensa da Plataforma pola Defensa da Sanidade Pública de Ferrol sobre o servizo de Urxencias do CHUF

A Plataforma pola Defensa da Sanidade Pública de Ferrol queremos denunciar os continuos colapsos no Servizo de Urxencias do CHUF, que en caso ningún teñen que ver cun pico de gripe, nin son puntuais, como afirma, tratando de escorrer o vulto o Xerente D. Angel Facio.

Como xa manifestamos na mobilización do pasado domingo 3 de marzo, son os continuos recortes en financiamento do Partido Popular os que están provocando unha diminución na calidade asistencial e na prestación de servizos que, a pesar dos interese e dedicación dos traballadores e traballadoras e imposible suplir con esforzo humano.

Os continuos recortes en Atención Primaria, nos últimos tres anos máis de 100 millóns de euros, e o abandono do Plan de Mellora de Atención Primaria comprometido polo Goberno Bipartito e non aplicado polo Goberno do Partido Popular son os que fan que doentes crónicos e polipatolóxicos que, con os recursos necesarios poderían ser, maiormente, atendidos nos seus domicilios polos seus médicos de familia e polo Servizo de Atención a Domicilio, colapsen as Urxencias nos Hospitais de Agudos como está a ocorrer nos últimos meses e cada vez con máis frecuencia, en Vigo, A Coruña e tamén en Ferrol. A falla de Orzamento para a construción dos novos centros de saúde de A Capela, Cedeira e Narón e a ampliación do Fontenla Maristany, a finalización do de Serantes e As Somozas e o peche dos consultorios da Graña en Ferrol e o Seixo en Mugardos son máis recortes na Atención Primaria.

O Xerente da Área de Xestión Integrada de Ferrol, D. Angel Facio, manifestou en repetidas ocasións que non ía escatimar esforzos para dotar esta Área do cadro de persoal preciso para prestar axeitadamente os servizo. Se fose así o colapso das Urxencias do CHUF se solucionaría abrindo unha das plantas aínda pechadas do Hospital Naval, contratando ao persoal necesario.

Tamén aplicando unha política de substitución ao 100% do persoal, en Incapacidade Temporal, Permisos, Vacacións,etc, cousa que non está a suceder.

Desde a Plataforma pola Defensa da Sanidade Pública volvemos a reclamar o investimento comprometido de 63 millóns de euros, en tres anos, para poñer a funcionar completamente o Hospital Naval.

Volvemos a reclamar que se lle dea contido asistencial ao Hospital Novoa Santos e DENUNCIAMOS novamente a permisividade da Administración, que coñece os feitos, que traballan na Sanidade Pública e na Sanidade Privada Concertada, o que é absolutamente ilegal.

DENUNCIAMOS a continúa presión que se exerce, unha e outra vez, sobre moitos doentes da lista de espera de cirurxía traumatolóxica para que se vaian a operar ao Juan Cardona. Nesta Plataforma recibimos denuncias constantes sobre esta práctica.

Tamén DENUNCIAMOS que cada vez se producen máis derivacións ao Juan Cardona de aqueles doentes supostamente “máis rendibles “ de curtos procesos e curtas estancias, deixando para que sexan atendidos na Sanidade Pública aqueles doentes crónicos, de maior idade e de procesos máis longos, que ao non ser atendidos nos seus domicilios polos médicos de familia, debido aos grandes recortes na Atención Primaria, acaban acudindo aos Hospitais de Agudos, colapsando os Servizos de Urxencias.

Plataforma pola Defensa da Sanidade Pública de Ferrol
Marzo de 2013.

A mobilización deste domingo na prensa - Manifesto


Varios miles de persoas, en Ferrol, na mobilización en Defensa da Sanidade Pública - Comunicado Final e Fotos




Este Domingo, pasadas ás 12 do mediodía, varios miles de persoas acudiron á chamada da Plataforma en Defensa da Sanidade Pública da Área Sanitaria de Ferrol. A marcha percorreu varias rúas de Ferrol,  para defender a sanidade pública, contra o seu desmantelamento, a súa privatización e o repago. 

Transcribimos a continuación, o moi interesante comunicado leído ao final da Manifestación Comarcal, por Lucia Meizoso e Elena Casal, no nome da Plataforma.

Manifestación comarcal en defensa da Sanidade Pública


Descarga, imprime e reparte o cartaz da manifestación (cor, A3, pdf)   (grises, A3, pdf)

Descarga a octavilla da manifestación

Convocatoria da Comisión Permanente da Plataforma

A Comisión Permanente da PDSPF esta convocada para o vindeiro LUNS-11 ás 17 horas no local da A.V. Esteiro, co fin de ordenar os acordos máis inmediatos desta ultima Asemblea. Poden participar as entidades desta Plataforma .

 Orde do día :
- Redacción borrador ACTA da pasada asemblea extraord.
- Organización das vindeiras mobilizacións e acordos da Asemblea.

Concentración en demanda do novo Centro de Saúde de Narón

A Concellería de Participación Cidadá do Concello de Narón, infórmavos que o próximo domingo, 17 de febreiro as 12:00 haberá unha concentración na Praza de Galicia para demandar o novo centro de saúde para Narón.


Convocatoria do Pleno da Plataforma

A Comisión Permanente da Plataforma pola Defenda da Sanidade Pública de Ferrol CONVOCA  unha Asemblea Xeral a todas as entidades que conforman esta Plataforma en Defensa da Sanidade Pública de Ferrolterra para o vindeiro Mércores, día 30 de XANEIRO, ás 18 horas da  no local da A. Veciñal de Esteiro.


Esta convocatoria terá por obxecto evaluar o impacto nas entidades socio-sanitarias das actuais políticas da Xunta de Galicia, análise e estudo sobre a atención ás distintas enfermedades crónicas e atención médica nesta Área Sanitaria, da situación das listas espera na Área de Xestión Integrada de Ferrol e dos Orzamentos da Xunta para esta Área Sanitaria

Orde do día

1 .- Análise da situación actual da Plataforma pola Defensa da Sanidade Pública de Ferro e debate de método do seu funcionamento interno, cando se cumpren tres anos da súa constitución.-

2.- Situación actual da área sanitaria de Ferrol Afectad@s entidades Socio– Sanitarias.

3 .- PROPOSTA de convocatoria dunha Manifestación Comarcal en Defensa da Sanidade Pública para o domingo 3 de Marzo ás 12 da mañá, coincidindo coa convocada para ese día en Vigo.

4 .- Suxestións e preguntas.-

Ferrol, a 25 de Xaneiro de 2013.

- A Comisión Permanente .-

CONTA BANCARIA: BANCO PASTOR 0072 0272 87 0000140988