Gran participación na concentración contra os recortes e en defensa da Sanidade Pública

Onte, 24 de maio, a Plataforma convocou á cidadanía de Ferrol a manifestar o seu rexeitamento aos recortes en materia sanitaria e en defensa da Sanidade Pública. Centos de veciños e veciñas manifestáronse neste senso na Praza Amada García.

Podedes descargar aquí o manifesto que Xosé Miguel López Pérez leu como portavoz da Plataforma durante a concentración.

Galería fotográfica: Susete70


Noticia na prensa:

• Diario de Ferrol

Nota de prensa da Plataforma

A Plataforma pola Defensa da Sanidade Pública, vimos de dirixirnos ó Alcalde de Ferrol, para demandarlle información de que xestións leva realizado, diante da Consellería de Sanidade da Xunta de Galicia e diante do Servizo Galego de Saúde, para que se proceda á reapertura do Consultorio da Graña.

O Pleno do Concello de Ferrol, celebrado no mes de marzo, acordou por unanimidade aprobar unha moción que reclamaba a reapertura desa instalación sanitaria que levaba 70 anos funcionando e que na actualidade prestaba o seu servizo nunhas intalacións do Concello de Ferrol.

Ese consultorio daba servizo a preto de 800 usuarios de A Graña, Brión, San Felipe e unha parte de A Cabana e foi pechado polo Servizo Galego de Saúde sen ningunha razón asistencial que o xustifique. Sen ter en conta a dispersión xeográfica desa zona e a falla de comunicación a traves do trasporte público co Centro de Saúde de Serantes, que está en obras. Ademais unha parte moi importante da poboación supera os 65 anos.

Desde a Plataforma pola Defensa da Sanidade Pública de Ferrol, reclamamos, unha vez máis, a reapertura do Consultorio da Graña.

Que xestións fixo o Sr. Rey Varela para dar cumprimento ó acordo do Pleno de Ferrol de que se reabra dito consultorio?.

Serven de algo os acordos plenarios ou quedan en papel mollado?

Ferrol 16 de maio de 2012.

Asdo./Xosé Miguel López, portavoz da Pdspf.

Noticia no Diario de Ferrol

Noticias de interese

Público.es

• La Reforma Sanitaria pone en peligro el estatus laboral de casi 4.000 profesionales

Galicia Confidencial

• Pode a Xustiza investigar os recortes?

Golpe al Sistema Nacional de Salud ... por Gaspar LLamazares

Los decretos-leyes son los estados de excepción legislativos. Por eso cuando, como en esta crisis, se convierten en norma, simbolizan mejor que nadie el estado de excepción del golpe de mercado.
El Real Decreto-Ley 16/2012, de 20 de abril, de medidas urgentes para garantizar la sostenibilidad del Sistema Nacional de Salud y mejorar la calidad y seguridad de sus prestaciones, de reciente aprobación tiene, sin embargo, por la precipitación en su elaboración, la ventaja de poner en evidencia los intereses y el proyecto que anima al Gobierno.

A las pateras ... por Alfredo Vara

Que preparen una flota de pateras, metan en ellas a los simpapeles y los manden de vuelta a sus países. Será una de las pocas maneras de llevar a la práctica el apartado de la reforma sanitaria que les niega el derecho a la asistencia normalizada que garantiza la tarjeta. Así no habrá que verlos cuando imploren una consulta o una medicina.

Comunicado da Plataforma en Defensa da Sanidade Pública de Ferrol

A Plataforma pola Defensa da Sanidade Pública de Ferrol quere amosar a súa total satisfacción pola posta en marcha da Unidade de Diálise de Crónicos, por vez primeira, no Complexo Arquitecto Marcide.

A Pdspf vimos defendendo desde a nosa creación, hai dous anos e medio, a creación desa Unidade de Diálise de Agudos, Peritoneal, que xa levan funcionando 3 anos, e da de crónicos que agora comeza a funcionar.

Esta foi tamén unha reivindicación dos sindicatos CCOO, CIG e UGT e das Asociacións Veciñais de Valón e Esteiro na Comisión de Participación Cidadá da Área Sanitaria de Ferrol do Sergas que veñen reclamando desde a súa creación hai sete anos.

Para a Pdspf este é o primeiro paso para que ese servizo se preste só na Sanidade Pública, e non se teña que desviar ningún doente ao Juan Cardona, polo que demandamos a súa ampliación tanto en medios materiais como no persoal preciso para darlle servizo ao conxunto de doentes que precisen algún dos tipos de Diálise, exclusivamente no Complexo Hospitalario Arquitecto Marcide.

A Pdspf seguimos demandando a ampliación dos recursos Socio Sanitarios da Área Sanitaria, na actualidade moi insuficientes, debido o avellentamento da poboación e a necesidade de que existan un maior número de camas para doentes crónicos. Demandamos, por tanto, a integración do Hospital Juan Cardona na Rede Socio Sanitaria Pública.

Tamén demandamos a Creación dun Centro de Referencia para todo Galicia das Enfermidades Profesionais, nesta Área Sanitaria onde a milleiros de persoas están afectadas por ese asasino silencioso chamado amianto. Este Centro se instalaría no Hospital Novoa Santos, que está sendo valeirado de todo contido asistencial, a pesar de existir unha grande demanda.


Ferrol a 13 de maio de 2012.

Asdo/Xosé Miguel López Pérez, portavoz da Pdspf.

[24.05.2012] Mobilización da Plataforma en contra dos recortes e en defensa da Sanidade Pública

Descargar o cartaz (.pdf, 1'5mb)

Acta do Pleno da Plataforma do pasado 25 de abril de 2012

Podedes descargar aquí a acta do Pleno da Plataforma do pasado 25 de abril de 2012.

Imos todos/as á rúa , é a hora loitar ... por Xosé Miguel López

Mentres perdoan a ladróns, defraudadores, narcotraficantes e lles van permitir branquear os seus capitais, algúns deles manchados de sangue, a cambio de que paguen o 10% do defraudado, introducen máis recortes na Educación e na Sanidade Pública.

Aínda ben non acaban de anunciar o incremento no repago dos medicamentos ós traballadores en activo e, por vez primeira, o repago dos medicamentos ós pensionistas, incremento no pago dos doentes crónicos, sempre esmagando ós colectivos maís desfavorecido, e xa anuncian máis recortes, algun deles de carácter xenófobo o ir directamente contra os inmigrantes, repago de próteses e ortopróteses  e tamén o repago polo transporte sanitario non urxente.

En Galicia temos unha poboación moi avellentada, xeográficamente moi dispersa e coas pensións máis baixas do Estado.

As medidas do Partido Popular van ter en Galicia unha especial incidencia, especialmente entre pensionistas e enfermos crónicos. Como van pagar o trasporte sanitario pensionistas de Cedeira, Ortigueira, Mañón, etc cando vaian a recibir un tratamento de Diálise, Rehabilitación, Quimioterapia, etc no Arquitecto Marcide cando teñen unhas pensións medias que non chegan a 600 euros?.

Como van a pagar o transporte sanitario non urxente cando teñan que acudir ó Centro Oncolóxico da Coruña a recibir un tratamento de Radioterapia?.

Pois esto é o que acaba de Decretar o Partido Popular: Perseguir a pensionistas e inmigrantes.

Non falan de perseguir a fraude fiscal, a perdoan. De disolver o Senado, as Deputacións, os milleiros de asesores que teñen en Concellos , Parlamentos, Gobernos, etc. De eliminar a institución monárquica , dos gastos militares ou das subvencións a sanidade e educación privadas e á Igrexa. Non diso non falan perseguen ós traballadores e os pensionistas, sempre os paos do mesmo lado.

A resposta a esa agresión e a eses recortes é a mobilización na rúa en Defensa da Sanidade Pública, Universal e Gratuíta coas mesmas prestacións como tiñamos ata a chegada do Partido Popular o Goberno do Estado e da Xunta.

Xosé Miguel López Pérez. DNI-32616654 D

Artigo publicado no Diario de Ferrol

A Plataforma participou nas mobilizacións destes últimos días

Tal e como anunciara, a Plataforma en Defensada Sanidade Pública de Ferrol participou nas mobilizacións dos pasados días. O domingo 29 estivo presente na manifestación que partiu do Inferniño en defensa da Sanidade e do Ensino públicos convocada polas organizacións sindicais CCOO, UGT e USTG. Asimesmo, o martes día 1 de maio estivo presente nas dúas manifestacións que percorreron as rúas da cidade en conmemoración do Día do Internacionalismo Proletario, a convocada pola CIG  e a convocada por CCOO, UGT e USTG.

A saúde para quen a pague ... por Pablo Vaamonde

A sanidade pública comezou no Estado español como un seguro colectivo, avalado polas cotizacións dos traballadores. Este modelo cambiou no período da transición. Desde a Lei Xeral de Sanidade (1986) a saúde pasou a considerarse un dereito universal dos cidadáns. Foi unha importante conquista social pois estabelecía que a atención da saúde da poboación estaba “orientada á superación dos desequilibrios sociais e territoriais”. Iniciouse un camiño para integrar a todos os colectivos non protexidos co obxectivo de universalizar a asistencia. O sistema nacional de saúde (SNS) é hoxe, 26 anos despois, o máis importante elemento de cohesión e xustiza social. As persoas teñen dereito á asistencia pola súa condición de cidadáns e non pola cotización previa.

Contra o desmantelamento da sanidade pública ... por Xulia Alonso

Artigo de opinión extraído de Praza Pública... ler máis [+]